काठमाडौं । नेपाल पब्लिक क्याम्पस संघको अध्यक्षमा शिवराज संजेल विजयी हुनुभएको छ । संजेल प्रतिद्वन्दी सत्रुघन गुप्तालाई १ सय २७ मतान्तरले पराजित गर्दै अध्यक्ष बन्नु भएको हाे ।
निर्वाचनमा संजेलले ४ सय १० मत ल्याउनु भएको छ । प्रतिद्वन्दी गुप्ताले २ सय ८३ मत प्राप्त गर्नुभएको छ । क्याम्पस संघको अन्य पदमा पनि संजेलको प्यानल नै विजयी भएको छ ।
संघकाे उपाध्यक्षमा डा. अम्बुभवानी कार्की, रामभक्त सिग्देल र प्रदिप कटुवाल निर्वाचित हुनुभएको छ । महासचिवमा मुक्तिराम पाण्डे निर्वाचित हुनुभएको छ । उपमहासचिवमा गौरीबहादुर कार्की र नारायणप्रसाद पौडेल निर्वाचित हुनुभएको छ । कोषाध्यक्षमा सुरेन्द्र अधिकारी चुनिनुभएको छ ।
संघको सदस्यमा प्रेमबहादुर भण्डारी, रेवती भण्डारी, पवित्राकुमारी श्रेष्ठ, गणेशकुमार चौधरी, रमेशचन्द्र रोक्का, मित्रलाल न्यौपाने, किशोर साह, खिमराज घिमिरे, भोजराज ढकाल, माया आचार्य, रामप्रसाद अर्याल, सरोजकुमार साह, भूमी पौडेल, चन्द्रबहादुर श्रेष्ठ, रमेश प्रसाद लामिछाने, चेतनाथ पौडेल र नेत्रप्रसाद न्यौपाने निर्वाचित हुनुभएको छ ।
संघको ४१ सदस्य कार्यसमितिमा केही पद यसअघि नै सर्वसम्मत भइसकेको छ । विभिन्न पक्ष मिलाएर ६ सदस्य मनोनित गर्ने प्रावधान छ ।
