काठमाडौं । नेपालीको दोश्रो ठुलो चाड तिहारलाई लक्षित गरेर मौलिक सिर्जनाहरु बजारमा ल्याउँदै आएको गल्कोट म्युजिक प्रालिको प्रस्तुतीमा फरक तरिकाबाट हाल सम्मकै सर्वोकृष्ट रचना ‘सोरठी देउसी भैलो’ गीतको भिडियो सार्वजनिक भएको छ ।
सार्वजनिक गीतमा रामु विरही, धर्तिमा थापा मगर विष्णु सिंह, विनिता गुरुङ, सञ्जय परियार, सामना मगर, गोविन्द पराजुली र मिलन थापा मगरको आवाजमा रहको मौलिक देउसी भैलो सोरठी नृत्यका साथ बजारमा आएको हो ।
नेपाली कला र सस्कृतिलाई मौलिकतालाई प्रस्तुत गर्नका लागि आफूले गीतलाई फरक तरिकाबाट प्रस्तुत गरेको रामु विरहीले बताए । रामु विरही र पुर्ण बुढा मगरको शब्द तथा रामु विरहीको लय सिर्जना गीतमा समावेश गरिएको छ । आपसी रुपमा सद्भाव र भाइचाराको अभिवृद्धिका लागि गीतमा आग्रह गरिएको छ ।
प्रवेश पोखरेलको छायाँकन, दुर्लभ श्रेष्ठको सम्पादन तथा रामु विरहीको निर्देशन तथा मनिषा राईको कोरियोग्राफी रहेको छ । ‘सोरठी देउसी भैलो’ गीतको भिडियोमा रामु विरही, मनिषा राई, समिर विक, माधव प्रसाद सिक्देल र प्रकाश रोक्काको अभिनय रहेको छ ।
https://www.youtube.com/embed/gjAT-A-Eqj0
