काठमाडौं । प्रतिनिधिसभा बैठकमा शनिबार पनि विनियोजन विधेयक, २०७७ को विभिन्न शीर्षकमाथिको छलफल जारी छ। आजको बैठकमा अर्थ, श्रम, रोजगार तथा सामाजिक सुरक्षा, वन तथा वातावरण, संस्कृति, पर्यटन तथा नागरिक उड्डयन मन्त्रालयगत छलफल भइररहेको छ ।
बैठकमा उद्योग, वाणिज्य तथा आपूर्ति, स्वास्थ्य तथा जनसंख्या, कृषि तथा पशुपन्छी र सञ्चार तथा सूचना प्रविधि मन्त्रालयका विभिन्न शीर्षकका खर्च कटौतीको प्रस्तावसहित छलफल भइरहेको छ ।
छलफलमा सांसद दुर्गा पौडेल, डा मीनेन्द्रप्रसाद रिजाल, प्रेम सुवाल, प्रदीप यादव, बहादुरसिंह लामा, रामबाबुकुमार यादव, डिला सङ्ग्रौला, देवेन्द्रराज कँडेल, मीनबहादुर विश्वकर्मा, पार्वता डिसी चौधारी र पद्मनारायण चौधरीसहित १२ जनाले खर्च कटौतीको प्रस्ताव प्रस्तुत गर्नुहुने छ ।
बैठकका प्रारम्भमा सभामुख अग्निप्रसाद सापकोटाले यही जेठ २० गते राष्ट्रपतिबाट प्रमाणीकरण भएको ‘प्रमाण ऐन’, २०३१ लाई संशोधन गर्न बनेको विधेयकबारे सदनमा जानकारी गराउनुभएको थियो । संघीय संसद्का दुवै सदनका बैठकबाट पारित भइ संविधानको धारा ११३ को उपधारा २ बमोजिम राष्ट्रपति विद्यादेवी भण्डारीद्वारा विधेयक प्रमाणीकरण भएको थियो ।
https://youtu.be/iZmeXdGSvfE
