काठमाडौं । आज दिनभर काठमाडौंका विभिन्न स्थानमा विद्युत् आपूर्ति बन्द हुने भएको छ । नेपाल विद्युत प्राधिकरणले कुलेश्वर वितरण केन्द्र अन्तर्गत विद्युत लाइन मर्मत तथा रुखको हाँगाबिंगा काट्नका लागि दिनभर विद्युत आपूर्ति बन्द हुने जनाएको हो ।
प्राधिकरणका अनुसार बिहान ११ बजेदेखि ५ बजेसम्म स्यूचाटार–स्वयम्भु फिडर अन्तर्गत बाफल पुल, सोल्टी दोबाटो, बुढाथोकी कोल्ड स्टोर, मुसलवान टोल, सिभिल होम्स, टौखेल, सीतापाइला, त्रिशक्ति केवल, ज्योति एकेडमी, शुभेच्छा हस्पिटल, गोल्छा, शरणपुर, रानीपाटी, छकडोल लगायतका क्षेत्रमा विद्युत आपूर्ति बन्द हुने छ ।
त्यस्तै सीता होम्स, थापाचोक, आदेश्वर मन्दिर, इचंगुनारायण मन्दिर, ह्वाइट गुम्बा, हरिसिद्धि, पदमा कोलोनी, फस्कु, सीताराम स्कुल, सुर्ती कारखाना, रामकोट, भीमढुँगा, नर्सरी भन्ज्याङ, खड्का गाउँ, खत्री गाउँ, छत्रे देउराली लगायतका स्थानमा पनि विद्युत आपूर्ति बन्द हुने प्राधिकरणले जनाएको छ ।
निर्धारित समय भन्दा अघिनै काम सम्पन्न भएमा काम सकिएलगत्तै विद्युत आपूर्ति हुने प्राधिकरणले जनाएको छ ।
