जेठ ६ गते हुने उपनिर्वाचनका लागि दल दर्ता आह्वान

लाइभ/ LIVE

गृहपृष्ठ
लाइभ/ LIVE

जेठ ६ गते हुने उपनिर्वाचनका लागि दल दर्ता आह्वान

जनता समाचारशुक्रबार, वैशाख १०, २०७८

nirwachan-aayog-1234

काठमाडौं । निर्वाचन आयोगले राष्ट्रिय सभा सदस्यको दल दर्ता गर्न आह्वान गरेको छ । राष्ट्रिय सभा सदस्यको रिक्त पदको उपनिर्वाचनका लागि आयोगले दल दर्ता गर्न आह्वान गरेको हो ।गृहमन्त्री रामबहादुर थापा नेकपा एमालेमा प्रवेश गरेसँगै रिक्त रहेको पदको आगामी जेठ ६ गते उपनिर्वाचन हुँदैछ । त्यसका लागि आयोगले दल दर्ता गर्न आह्वान गरेको हो। आयोगले सूचना प्रकाशित गरी दल दर्ताका लागि १४ वैशाखसम्म समय दिएको छ। दल दर्ता गर्दा दलको विधान, नियमावली तथा घोषणापत्रसहित कागजात ल्याउन भनिएको छ।गृहमन्त्री थापा २०ं७४ मा बागमती प्रदेशबाट राष्ट्रिय सभामा निर्वाचत भएका थिए। सर्वोच्च अदालतको आदेशमा एमाले र नेकपा (माओवादी केन्द्र) ब्युँतिएपछि उहाँ एमालेमा प्रवेश गर्नुभएको हो । उहाँलाई प्रधानमन्त्री एवं एमाले अध्यक्ष केपी शर्मा ओलीले एमालेको केन्द्रीय सदस्य मनोनित गर्नुभएको थियो। सांसद नभए पनि ६ महिनासम्म मन्त्री हुन पाउने संवैधानिक व्यवस्था अनुसार उहाँ अहिले पनि मन्त्री हुनुहुन्छ ।माओवादीबाट निर्वाचत थापा एमालेमा प्रवेश गरेसँगै उहाँको सांसद पद गुमेको थियो। राष्ट्रिय सभा सदस्य पद रिक्त रहेको ३५ दिनभित्र उपनिर्वाचन गर्नुपर्ने व्यवस्था रहेको छ। त्यहि अनुसार आयोगले ६ जेठमा उपनिर्वाचन तोकेको हो।

प्रकाशित मिति: शुक्रबार, वैशाख १०, २०७८ १४:३६