काठमाडौं । गृह मन्त्रालयले काठमाडौं उपत्यकासहित अधिकांश जिल्लामा यही असार १४ गतेसम्म निषेधाज्ञा थप गरिएको छ ।कोरोना संक्रमण रोकथाम तथा नियन्त्रणका लागि निषेधाज्ञा जारी गरिएको हो । हाल देशका ७५ जिल्लामा निषेधाज्ञा जारी छ । तर पछिल्लो समय विभिन्न जिल्लामा निषेधाज्ञा क्रमशः खुकुलो बनाउँदै लगिएको छ ।डडेलधुरा, स्याङ्जा, बैतडी, सिरहा र मुस्ताङमा असार १५, पर्सामा असार १३, पाल्पा, दार्चुला र गोरखामा असार १२, धनकुटामा असार ११, सुर्खेत, चितवन, सल्यान, रुकुम पश्चिम, प्युठान, दैलेख, डोटी, रोल्पा, मुगु, हुम्ला, लमजुङ, भोजपुर र रुकुम पूर्वमा असार १० गतेसम्म निषेधाज्ञा लम्ब्याइएको छ ।यस्तै, रामेछापमा असार ९, दाङ, नुवाकोट, सिन्धुपाल्चोक, धादिङ र संखुवासभामा असार ८ गतेसम्म निषेधाज्ञा छ । केही जिल्लामा आजसम्म निषेधाज्ञा कायम रहेकोमा ती जिल्लामा पनि निषेधाज्ञा थपिन सक्ने बताइएको छ । बारा र सप्तरीमा भने अर्को आदेश नभएसम्मका लागि निषेधाज्ञा जारी छ ।
देशभरको निषेधाज्ञाको पूर्ण विवरण :
