काठमाडौं । देशका विभिन्न स्थानमा आएको बाढी, पहिरो र डुबानमा परी ५१ जनाको मृत्यु भएको छ ।जेठ ३० गते देखि हाल सम्म देश भर बाढी पहिरोम परि ५१ जनाको मृत्यु, २९ बेपत्ता तथा ७१ जना घाइते भएका छन् । बिहीबार मात्रै मात्रै सात जनाको मृत्यु भएको छ । हाल सम्म दार्चुलामा तीन, पाल्पामा दुई तथा तनहुँ र दाङमा एक–एक जनाको मृत्यु भएको हो । मृत्यु हुने २६ पुरुष, १५ महिला, १० बालबालिका रहेका छन् ।बाढी पहिरोका कारण मृत्यु हुनेमा सिन्धुपाल्चोकमा पाँच, डोटीमा चार, रोल्पा, तनहुँ, दाङ, पाल्पा, दार्चुला र गोरखामा तीन–तीन, चितवन, प्युठान, धादिङ, म्याग्दी र रौतहटमा दुई–दुई र ललितपुर, मकवानपुर, सर्लाही, खोटाङ, सप्तरी, काभ्रे, सिन्धुली, जुम्ला, अर्घाखाँची, कास्की, कालिकोट, पाँचथर, बझाङ र बाजुरामा एक–एक जना रहेका छन् ।हाल सम्म देश भर बाढीपहिरोमा परि २९ जना बेपत्त भएका छन् । बेपत्ता हुनेमा सिन्धुपाल्चोकका २०, चितवनका तीन, पर्वत र तनहुँका दुई–दुई तथा बाजुरा र बाग्लुङमा एक–एक जना छन् । बेपत्ताको खोजी कार्य जारी रहेको प्रहरी प्रधान कार्यालयले जनाएको छ ।बाढीपहिरो र डुबानमा परी मनसुन अवधिको जेठ ३० पछि आजसम्म ७१ जना घाइते भएका छन् । घाईते मध्ये ३६ पुरुष, १९ महिला, ११ जना बालक र पाँच जना बालिका छन् । देशभर हाल सम्म बाढी पहिरोमा परी २९ बेपत्ता छन् । बेपत्ता हुनेमा १९ पुरुष, ६ महिला, तीन बालक र एक बालिका रहेका छन् ।बाढीपहिरामा परेका एक हजार २६८ जनाको विभिन्न ठाउँबाट उद्दार गरिएको छ । बाढीको कारण एक हजार ५१६ घर डुबानमा परेका र ५६४ घर, ९९ गोठ, ४२ पुल, ३ विद्यालय र १३ सरकारी कार्यालयमा क्षति पुगेको छ। एक हजार १५८ घरका पाँच हजार ४२३ व्यक्ति विस्थापित भएका छन् ।
प्रकाशित मिति: शुक्रबार, असार २५, २०७८ ११:४८
