काठमाडौं । आईसीसी टी–ट्वान्टी विश्वकप क्रिकेटमा चिरपरिचित प्रतिद्वन्दी भारतमाथि पहिलो पटक ऐतिहासिक जित निकालेको पाकिस्तानी क्रिकेट खेलाडीहरुले जीतको उत्सव मनाएका छन् ।
जीतपछि टिम बसमा खिचिएको कुराकानीको भिडियो समेत सार्वजनिक भएको छ । खेलाडी हसन अलीले खिचेर अपलोड गरेको भिडियोमा मुख्य प्रशिक्षक,कप्तान र केही खेलाडीहरुको प्रतिक्रिया समेटिएको छ । कप्तान कप्तान बाबर आजमले यो ऐतिहासिक जीतमा खुशी व्यक्त गरेका छन् । उनले भनेका छन्, 'केटाहरुको मिहिनेत र अल्लाहको दुवाले गर्दा हामी यो ऐतिहासिक क्षणमा छौं । सबै पाकिस्तानी जनतालाई बधाइ ।'
५५ बलमा ६ चौका र ३ छक्का हिर्काउँदै ७९ रन बनाएर भारतलाई हराउन महत्वपूर्ण योगदान दिलाएका मोहमद रिजवानले भने,'यो ऐतिहासिक जीतको साझेदार हुन पाएकोमा अल्लाहप्रति आभारी छु ।'
विश्वकप क्रिकेट अन्तर्गत भएको आइतबार राति खेलमा पाकिस्तानले भारतलाई १० विकेटले हराएको हो।
पाकिस्तानले भारतलाई क्रिकेटको विश्वकपमा हराएको यो पहिलोपटक हो। यस अघि पाकिस्तानले विश्वकपमा भारतलाई हराउन सकेको थिएन । यसअघिका पाँचवटै विश्वकपमा पाकिस्तानले भारतसँग हार व्यहोरेको थियो।
आइतबार भारतले दिएको १५२ रनको लक्ष्य पाकिस्ताले १७.५ ओभरमा विकेट नपुर्याई पूरा गरेको थियो।
युएईको दुबई क्रिकेट मैदानमा टस जितेर बलिङ जितेको पाकिस्तानले उत्कृष्ट प्रदर्शन गरेको थियो। भारतले निर्धारित २० ओभरमा सात विकेट गुमाएर १५१ रनमात्र जोड्न सक्यो। भारतका लागि कप्तान विराट कोहलीले सर्वाधिक ५७ रन जोडे। यसैगरी विकेट किपर ऋषभ पन्तले ३९ रन बनाए। पन्त र कोहलीबीच चौथो विकेटका लागि ५३ रनको साझेदारी भएको थियो।
