कुकुर तिहार विशेष : कला प्रदर्शनीसहित नेपाली सेनाले गर्याे कुकुरकाे पूजा (फाेटाेफिचर)

समाज

गृहपृष्ठ
समाज

कुकुर तिहार विशेष : कला प्रदर्शनीसहित नेपाली सेनाले गर्याे कुकुरकाे पूजा (फाेटाेफिचर)

जनता समाचारबिहीबार, कात्तिक १५, २०८१

भक्तपुर । मध्यपुर थिमि–२ सानो थिमिस्थित भैरव बहान गुल्ममा कुकुर तिहारको दिन बुधबार नेपाली सेना कुकुर पूजा गरेकाे छ । विभिन्न जातका ८८ वटा तालिम प्राप्त कुकुरको पूजा गरिएको थियो । कुकुरलाई यमराजको दूतको रूपमा र भगवान भैरवको वहानको रूपमा पुजिने गरिन्छ ।

हिन्दू परम्परा अनुसार कार्तिक कृष्ण चर्तुदशीका दिन भैरवको बहान कुकुरको पूजा गर्ने गरिन्छ। मानिसको निकट साथीको रूपमा मानिने कुकुर आज्ञाकारी र रक्षक भएकाले यसको पूजा गर्ने प्रचलन रहिआएको हो।

यसै अवसर पारेर भैरव बहान गुल्मले २१ वर्षदेखि शान्ति मिसनमा सहभागी गराउँदै आएको सैनिक डगको पूजा गरेको छ।

नेपाली सेनाले भैरव बहान गुल्ममा सैनिक कुकुर तथा कला प्रदर्शनी गरेको हाे। बिहान नेपाली सेनाले सैनिक कुकुर तथा कला प्रदर्शनी तथा कुकुर पूजा कार्यक्रम राखेको थियाे।

नेपाली सेनाले अपराध अनुसन्धान र सुरक्षा कार्यमा अब्बल मानिएका कुकुरको सहयोगमा शान्ति सैनिकलाई सुम्पिएको जिम्मेवारी पुरा गर्न सहज भएपछि नेपाली सेनाले द्वन्द्वरत मुलुकमा हातहतियार तथा विष्फोटक पदार्थ पत्ता लगाउन र सुरक्षा गार्डमा कुकुरको प्रयोग गर्दै आएको छ।