काठमाडौं । भाडाका सवारी साधनको नविकरण शुल्क बढेको छ ।
सरकारले विभिन्न ऐन संशोधन गर्दै आर्थिक वर्ष २०८०, ०८१ देखि लागू हुने गरी भाडाका सवारीसाधनको नविकरण शुल्क बढाएको हो । नविकरण शुल्क पाँचसयदेखि तीन हजार रूपैयाँले बढेको छ । नयाँ निर्धारित नविकरण शुल्क अनुसार कार, जीप, भ्यान र माइक्रो बस अन्तर्गत १३ सय सीसीसम्म ५ हजार ५०० रूपैयाँ,१३ सय एक देखि २ हजार सम्म ६ हजार रूपैयाँ रहेको छ ।
२ हजार एक देखि २९ सय सम्म ६ हजार ५०० रूपैयाँ, २९सय एक देखि ४ हजारसम्म ८ हजार रूपैयाँ र ४ हजार एक देखि माथिका सीसीको ९ हजार रूपैयाँ निर्धारण गरिएको छ । यसअघि क्रमश ४ हजार, ४ हजार ५००, ५ हजार, ६ हजार र ७ हजार शुल्क थियो । मिनी ट्रक, मिनी बस र पानी ट्याङ्कर ८ हजार रूपैयाँ पुर्याइएको छ । यसअघि ६ हजार थियो । ट्रक बसको ८ हजारबाट बढाएर १० हजार ५ सय पुर्याइएको छ ।
अटो रिक्सा र टेक्टरको दुई हजारबाट बढाएर २५ सय पुर्याइएको छ । डोजर, एक्साभेटर, लोडर, रोलर, क्रेन जस्ता मेशिनरी उपकरणमा वार्षिक नविकरण शुल्क १२ हजार रहेकोमा १५ हजार ५ सय पुर्याइएको छ ।