काठमाडौं । नेपाली कांग्रेसले जेठ १३ गते कांग्रेसले सरकारविरुद्ध प्रदर्शन गर्ने भएको छ ।
काठमाडौं उपत्यकामा हुने प्रदर्शनका लागि नेताहरूलाई जिम्मेवारी बाँडफाँड गरेको छ । प्रदर्शनका क्रममा उपत्यकाका १५ क्षेत्रमा खटिने नेताहरूलाई कांग्रेसले जिम्मेवारी तोकेको हो ।
जसअनुसार काठमाडौंमा १०, ललितपुरमा ३ र भक्तपुरमा २ जनालाई जिम्मेवारी तोकिएको छ ।
काठमाडौंमा केन्द्रीय सदस्यहरू अब्दुल सतार, सीता थपलिया, रंगमती शाही, कुन्दन काफ्ले, नैनसिंह महर, गुरु बराल, आङ्गेलु शेर्पा, उमेशजंग रायमाझी, डा.डिला सङ्ग्रौला र सरिता प्रसाईंलाई खटाइएको छ ।
ललितपुरमा पार्टीका सहमहामन्त्री उमाकान्त चौधरी, नेताहरू देवेन्द्रराज कँडेल र अर्जुन जोशीलाई खटाइएको छ ।
त्यस्तै भक्तपुरमा इन्द्र बानियाँ र गणेश लामालाई खटाइएको छ । बानियाँ बागमती प्रदेश सभापति समेत हुनुहुन्छ ।