रामजीप्रसाद लम्साल
पोखरा । खुला चिडियाखानाको अवधारणामा निर्माण गरिरहेको पोखरा जुलोजिकल पार्कलाई प्रदेश सरकारले ३ करोड रुपयाँ लगानी गर्ने भएको छ । चालू बर्षभित्रै पार्कको गुरुयोजना तयार गर्न ३ करोड रुपैयाँ बजेट विनियोजन गरेको हो ।‘चिडियाखाना निर्माणाधीन छ ।
यसलाई थप ब्यवस्थित बनाई बृहत्तर विकासका लागि सरकारले यो बर्ष ३ करोड विनियोजन गरेको छ, पर्यटन मन्त्रालयलका सचिव बुद्धीसागर पौडेलले भने–डेढ करोड डिपिआर बनाउन र डेढ करोड वन्यजन्तु उद्वार संरक्षण केन्द्र स्थापना गर्न बजेट छुट्याईएको हो ।’उनका अनुसार बजेट निकासाको प्रक्रियामा छन् ।
प्रदेश सरकारले चालू वर्षको बजेट बनाउँदा नै पोरखामा चिडियाखाना निर्माण गर्ने योजना अघि सारेको थियो । पार्कमा हाल मृग रतुवा ८, अजिंगर १, निलगाई १, स्याल १, बाँदर १, हुचिल ६, गिद्ध २, चिल ३, बनविरालो २, जरायो १, खरायो १५, लाटोकोसेरो २ वटा छन् ।
पार्क निर्माणका लागि पोखरा युनाईटेड क्लबले वर्षेनी आयोजना गर्दै आईरहेको पोखरा महोत्सवबाट आम्दानी हुने रकमको केही प्रतिशत सहयोग हस्तान्तरण गर्दै आईरहेको छ । यसअघि जिल्ला विकास समिति र पोखरा तथा लेखनाथ नगरपालिकाले पनि सहयोग गरेका थिए ।
