काठमाडौं । नेत्रविक्रम चन्द विप्लव नेतृत्वको नेकपा कम्युनिष्ट पार्टीको पत्रकार मोर्चा दुई फ्याक भएको छ । पार्टी प्रवक्ता तथा प्रचार मोर्चा प्रमुख सचिवालय सदस्य खड्गबहादुर विश्वकर्मा प्रकाण्ड विभिन्न मुद्दाको तारिकमा देशभर राज्यद्वारा घुमाइँदा उनी नै इञ्चार्ज भएको क्रान्तिकारी पत्रकारमा दुई तिहाइ भन्दा बढी पत्रकार प्रकाण्डको निर्णयविरुद्ध उभिएका छन् । वैशख १५ र १६ गते भएको राष्ट्रिय सम्मेलनबाट निर्वाचित ४८ सदस्यीय केन्द्रीय समितिमा पदाधिकारी चयन पार्टीले गर्ने भने पनि चित्तबुझ्दो ढंगबाट नगरिएपछि ४० सदस्य प्रकाण्डको निर्णयविरुद्ध उभिएका हुन् ।
यसरी उभिनेमा संगठनमा दुई कार्यकाल अध्यक्ष भएका प्रभाथ चलाउने, नेपाल पत्रकार महासंघका केन्द्रीय सदस्य जन्मदेव जैशी, कमल बुढा इमान्दार, सुदीप बर्देवा र बाबुराम भुषाल छन् । नगरकोटमा पदाधिकारी छान्न नदिई गरिएको सम्मेलनमा निर्वाचित केन्द्रीय सदस्यमध्येबाट प्रकाण्डले अध्यक्षमा प्रकाश डुम्रेसहित पाँच पदाधिकारी तोकेपछि ४० भन्दा बढी सदस्य असन्तुष्ट थिए । नेतृत्वले बोलाएर कुनै भूमिका दिन्छ भन्ने आसामा बसेका पत्रकार नेताहरु पार्टीबाट कुनै सम्बोधनमा परेनन् । लगत्तै पार्टी प्रवक्ता प्रकाण्ड पक्राउ परेपछि एकाएक ताम्सालिङ र केन्द्रीय मध्य ब्युरो कमाण्ड सम्हालिरहेका हेमन्तप्रकाश ओली ‘सुदर्शन’ले विज्ञप्ति निकाल्दै यी पाँच पत्रकारलाई चार आरोपसहित संगठनबाट निकाले ।
हेर्नुहोस् विज्ञप्तिः
संगठन निर्माणमा जुटेको र केन्द्रीय सदस्यहरुले रुचाएका प्रभात चलाउनेदेखि जैशी हुँदै ४० केन्द्रीय सदस्यले काठमाडौंमा सुदर्शको विज्ञप्तिलाई प्रतिवाद गर्दै पार्टीले संगठनका अध्यक्ष बनाइएको भनिएका भनेर केन्द्रीय सदस्य प्रकाश डुम्रे, हिम विष्ट र सिर्जना तिम्सिनालाई साधारण सदस्यसमेत नरहने गरी निष्काषन गरेको छ । उनीहरु अध्यक्ष, महासचिव र कोषाध्यक्ष हुन् ।
हेर्नुहोस् विज्ञप्तिः
यतिमात्र होइन, संगठनबाट निकालिएका भनिएका पाँच पत्रकारले क्रान्तिकारी संगठनका तीन पदाधिकारीलाई संगठबाट निकालेका छैनन्, उनीहरुले आफूविरुद्ध लागेको आरोप प्रतिवाद गर्दै पार्टीका नेताहरुलाई पनि गतिलो चुनौति दिएका छन् । पार्टी महासचिव नेत्रविक्रम चन्द विप्लवलाई पनि भावुक हुने गरी पत्र लेखेर आफ्नो समस्या समाधानमा गम्भीर हुन अपिल गरेका छन् ।
पढ्नुहोस् उनीहरुको प्रेस नोटः
क्रान्तिकारी पत्रकार संगठन नेपालमा आवद्ध हामी पाँच जनाको नाम जोडेर नेपाल कम्युनिस्ट पार्टीका स्थायी समिति सदस्य तथा मध्य केन्द्रीय कमाण्ड इन्चार्ज कमरेड सुदर्शनका नाममा जारी भएको विज्ञप्तिप्रति हाम्रो गम्भीर ध्यानाकर्षण भएको छ । विज्ञप्तिमा हामीमाथि केही राजनीतिक र अराजनीतिक आरोप लगाइएको र त्यसबारे बाहिर व्यापक प्रश्न पनि उठेकाले त्यसबारेमा प्रष्ट पार्नुपर्ने आवश्यकता बोध भई यो टिप्पणी जारी गरिएको छ ।
कमरेड सुदर्शनले जारी गरेको विज्ञप्ति जसरी आएको छ र त्यसमा हामीमाथि जे जे आरोप लगाइएको छ, त्यसबारे प्रतिक्रिया दिँदा पार्टी र नेताहरुलाई पर्ने अप्ठेरो र असरको ख्याल गर्दै प्रतिक्रिया नदिने सोचमा हामी पुगेका थियौँ । पक्कै पनि अहिलेको जुन राजनीतिक सन्दर्भ र विज्ञप्तिमा लगाइएका आरोपका विषयबस्तु छन्, त्यसबारे सवालजवाफ गर्नु उपयुक्त होइन । त्यसले असर पु¥याउँछ भने सबैभन्दा बढी असर परिवर्तनकामी जनता र आन्दोलनलाई पु¥याउँछ, अनि यो समग्र आन्दोलनको नेतृत्व गरिरहेको हुनाले पार्टी महासचिवलाई पु¥याउँछ । साथै, नेपालको संसदीय राजनीतिभित्रको अन्तहीन किचलोबाट आजित भएर परिवर्तनको अन्तिम आशलाग्दो विकल्प यही आन्दोलन हो भन्ने निष्कर्षमा पुगेका र पुग्दै गरेका नौजवान युवामा असर पर्छ नै । तर, पार्टीको उपल्लो तहले नै त्यसको असरबारे कुनै ख्याल नराखेर विषयबस्तु बाहिर लगिसकेपछि, प्रश्नहरु उठ्न थालेपछि हामीले आफ्नो विषय राख्नु अन्यथा हुनेछैन । सरकार पार्टीमाथि दमनपूर्ण रवैयामा उत्रिएको, व्यापक रुपमा गिरफ्तारी बढाइरहेको र सरकारसँग एकखालको तीब्र संघर्ष चलिरहेको बेला वा बाह्य संघर्ष घनिभूत बनेका बेला कुनै पनि राजनीतिक पार्टी र आन्दोलनलाई आम जनताको साथ, सहयोग र समर्थन जरुरी हुन्छ र लिनुपर्छ । यस्तो बेला आन्दोलनमा सक्रिय कार्यकर्तालाई चिढ्याउनु, निस्क्रिय बनाउन खोज्नु वा आन्तरिक पंक्तिलाई आपसी सवालजवाफमा तान्नु कदापी पनि परिपक्व र सही काम होइन । यस्तो बेला पार्टी नेतृत्वले किन यस्तो ग¥यो भन्ने कुरामा हामी अचम्मित पनि परेका छौँ ।
हामी आफ्नो नैतिक मूल्यमा विश्वास गर्छौँ । जबसम्म मानिसको नैतिक तागत उच्च रहन्छ, तबसम्म जस्तासुकै आरोप लगाइए पनि त्यसले अलिकति पनि असर गर्दैन । अझ त हामी जनतामाझ काम गर्ने राजनीतिककर्मीरु हाम्रो जीवन कही लुकाउनुपर्ने छैन । त्यसमा पनि हामी जनपक्षीय पत्रकारिता यात्रामा लामो समयदेखि लागेकाले हाम्रो जीवन खुला किताबजस्तै छ । त्यसैले तथ्य र आधारहीन कुनै आरोप लगाउनु भनेको उल्टै यो आरोप लगाउनेको स्तरको खुलासा हुनुबाहेक केही हुँदैन । विज्ञप्तिमा हामीमाथि जुन आरोप लगाइएका छन्, तिनको कुनै आधार त छैन नै यति कपोलकल्पित पनि छन् कि जुन राजनीतिक पनि लाग्दैनन । यी बिल्कुलै हास्यास्पद र बालगोठालाका खेलका कथा जस्ता मात्र लाग्छन् । हामी ती आरोपको जुनसुकै जनअदालतको कठघरामा उभिएर पनि यसका एक–एक शब्दमा कुरा गर्न तयार छौँ ।
यहाँ पनि उल्लेख गर्नु आवश्यक छ कि, विज्ञप्तिमा चारवटा आरोप लगाइएको छ । कुरा ‘सार्वजनिक रुपमा जिम्मेवार साथीमाथि हातपात गरेको’ आरोपको गरौँ । कुरा लगाउनेले कुन आशय र दुराशय राखेर लगाए तर नेताहरुले यो प्रमाणित गरुन् कि कुन ठाउँमा कसले कसमाथि हातपात गरेको हो ? सार्वजनिक ठाउँमा भनेपछि देख्नेहरु पनि होलान् । त्यो कुन ‘जिम्मेवार साथी’ हो, जसमाथि हातपात भयो, त्यस्तो कोही छ भने ममाथि हातपात भएको हो भनेर उभ्याइयोस् । दोस्रो आरोप सूचना चुहाएको भन्ने छ । यो राजनीतिक पूर्वाग्रह बाहेक केही पनि होइन । कतै केही प्रमाण भए यसलाई पनि पुष्टि गर्न चुनौति दिन्छौँ । बरु पार्टीका स्थायी समिति सदस्यकै साथमा पार्टी बनेदेखि आजसम्मका सबै दस्तावेज, हिसाबकिताब, सर्कुलर र बैठकमा टिपिएका नोटकपी र ल्यापटपसमेत गएको कुरा बाहिर छ्याप्छ्याप्ती आइसकेकै छ । साथै अरु नेताहरुका साथमा पनि धेरै कुरा गएको नेताहरुलाई नै थाहा नै छ । हामी नेताहरुलाई कहिले पनि भेट्दै नभेट्ने र लामो समयदेखि कुनै सम्पर्क नै नभएका कार्यकर्ताले सूचना चुहाएको भन्ने आरोपको कुनै तुक छैन ।
तेस्रो आरोप पार्टी र नेतृत्वका विरुद्ध सामाजिक सञ्जालहरुमा भ्रामक समाचार दिएको भन्ने आरोप छ । पहिलो त यो पदावली नै स्पष्ट छैन । सामाजिक सञ्जाल के हो ? समाचार र भ्रामक समाचार के हो भन्ने कुराको स्पष्टता नहुन पनि सक्छ । तै पनि कुन सामाजिक सञ्जालमा कहिले त्यसखालका ‘भ्रामक समाचार’ दिइएका हुन त्यसको पनि पुष्टि गरियोस् । सायद सार्वजनिक रुपमा पुष्टि गर्न नमिल्ने होला, हामीलाई मात्र भनिदिए पनि पुग्छ कि कुन साथीले कहिले सामाजिक सञ्जालमा कुन नेताका विरुद्धमा भ्रामक कुरा लेख्यो ?
अर्को आरोप छ ‘पत्रकार संगठनसम्बन्धी पार्टी निर्णयविरुद्ध अराजकता मच्चाएको ।’ यो भनेको क्रान्तिकारी पत्रकार संगठन, नेपालको वैशाख १५, १६ र १७ मा सम्पन्न तेस्रो राष्ट्रिय सम्मेलनको सन्दर्भ हुनुपर्छ । दुई सय बढी प्रतिनिधिको सहभागितामा हामीले संगठनको राष्ट्रिय सम्मेलन प्रदर्शनीमार्गस्थित राष्ट्रिय सभागृहमा गरी नगरकोटमा बन्दशत्र गरेका थियौँ । जसको उद्घाटन स्थायी समिति सदस्य सन्तोष बुढा मगरले नै गर्नुभएको थियो । सम्मेलन कति मेहनत र दुःखका साथ गरिएको थियो, कति भव्यतापूर्वक सम्पन्न भएको थियो भन्ने कुरा सायद सबैलाई विदितै छ । अनि सम्मेलनको सबै प्रक्रिया सकेर नेतृत्व चयनको प्रक्रियामा पुग्दा कसले अराजकता मच्चाएको थियो भन्ने बन्दशत्रमा सहभागी हुने सबैका सामु दिनको घाम जतिकै छर्लङ्ग छ । त्यो सम्मेलन सम्पन्न भएको पाँच महिना पुगिसक्दा पनि हामीले कुनै किसिमको प्रतिक्रिया नजनाएर बसेको सत्य हो । विगतमा कतिपय जनवर्गीय संगठनमा सम्मेलन स्थलबाटै उठेर पत्रकार सम्मेलन गर्ने र समानान्तर कमिटि गठन गरिएका उदाहरण नेताहरुले नभुलेको हुनुपर्छ । तर, पत्रकार संगठनमा महिनौँ बित्दा पनि पार्टीले भनेअनुसार नै केन्द्रीय समितिको पहिलो बैठकमा छलफल गर्नुपर्छ भनेर सम्मेलनबाट निर्वाचित केन्द्रीय समितिका साथीहरु पर्खेर बसेको पो हो त । यसबीच पार्टीका नेताहरु पत्रकार संगठनको बैठक बसाल्ने, साथीहरुका कुरा सुन्न मात्र पनि तयार देखिएनन । यसअघि, हेटौँडामा सम्पन्न दोस्रो राष्ट्रिय सम्मेलनदेखि नगरकोटमा सम्पन्न तेस्रो राष्ट्रिय सम्मेलनको बन्दसत्रमा अराजकता मच्चाउने अनुशासनहीन एक दुई जना व्यक्तिहरुको एकोहोरो कुरा सुनेर र आँखा चिम्लेर त्यो कुरामा विश्वास गर्नेतिर नेताहरु गए । अचम्म त यो छ कि तिनले दिएका गलत र नक्कली सूचनाकाबारेमा नेताहरुले हामीसँग सोध्ने आँट पनि गरेका छैनन ।
त्यसपछि एकाएक नेताहरुले त्यही गुटका केहीलाई संगठनको पदाधिकारी बनाइएको हल्ला आयो । त्यो हल्ला पनि केन्द्रीय समितिको बैठक बसालिएला र त्यहाँ आउला भन्ने ठानेर पर्खेर बसेकै बेला नेताहरुलाई गलत सूचना दिन लागेकाहरुले आफैले आफैलाई सामाजिक सञ्जालहरुमा भकाभक बधाई लेखाउन थाले । केही अनलाइनहरुमा पनि समाचार लेखाउन थालियो । त्यतिमात्र होइन, गिरफ्तार गरिएका नेताले धुलिखेलको हिरासतभित्रै बोलाएर बैठक बसालेको र जिल्ला प्रहरी कार्यालय धुलिखेलको हिरासतमा पुलिसको निगरानीमा गरिएको बैठकमा नगरकोटमा निर्वाचित कमिटि डिजल्भ गर्न र ३१ सदस्यीय नयाँ केन्द्रीय समिति निर्माण गर्न भनिएको छ भनेर जिम्मेवारी दिइएका भनिएका व्यक्तिहरु व्यापक रुपमा छलफलमा लागे । एकातिर केन्द्रीय समितिको बैठक बसेर पदाधिकारी चयन गरेको भन्ने विल्कुलै असत्य कुरा सामाजिक सञ्जालमा लेखाउन थालिएको र अर्कातिर हिरासतमै बोलाएर केही थोरै मान्छेको बैठक बसाली राष्ट्रिय सम्मेलन र सम्मेलनले गरेको निर्णय खारेज गर्न आदेश दिएको कुरा तिनै आदेश पाउनेले भन्दै हिडन थालेपछि नगरकोटमा चयन भएका ४८ जना केन्द्रीय सदस्यमध्ये ४० जनाले त्यो सही नभएको भन्ने एकदमै नरम विज्ञप्ति निकालेको सत्य हो । स्मरण रहोस बाँकी ८ जनामध्ये पनि केही साथीहरु न्यूट्रल हुनुहुन्छ । यसरी दिनको घामजतिकै छर्लङ्ग कुरामा भ्रामक पर्दा हालेर, आन्दोलनमा लागेका साथीहरुमाथि अत्यन्तै निराधार, कपोलकल्पित र तथ्यहीन आरोप लगाउनु, सार्वजनिक रुपमा बेइज्जत गर्ने प्रयास गर्नुका पछाडि कुन स्वार्थ लुकेको छ हामी आश्चर्यमा परेका छौ । त्यस्ता आरोपको कुनै अर्थ छैन ।
हामीसँग एउटा प्रश्न छ । विधि, पद्धति, अनुशासन नेताहरुमा लागु हुने कुरा हो कि होइन ? कुनै नेताका बारेमा आफूलाई लागेको कुरा आन्तरिक बैठकमा राख्न पाइन्छ कि पाइदैन ? यो पार्टी र आन्दोलन विकास गर्न हामी कार्यकर्ताको कुनै योगदान छ कि छैन ? लामो समयदेखि आन्दोलनमा लागेका र योगदान पु¥याएका कुनै राजनीतिक कार्यकर्ताको राजनीतिक जीवन नेतालाई रिस उठेका दिन एउटा विज्ञप्तिले सिध्याउन मिल्छ ? निष्काशन तहको कारवाही कमिटीले गर्ने हो कि नेताको विज्ञप्तिले गर्ने हो ? हामीलाई त यो विश्वास नै भइरहेको छैन कि यो कम्युनिस्ट पार्टीको निर्णय हो । पहिलो त सोझै हामीलाई बोलाएर यस्तो कुरा आएको छ के हो भनेर नेताले सोध्नुपथ्र्यो । यदि सोध्न मिलेको थिएन भने सबैका कमिटि थिए भनिएको छ ती कमिटिको बैठक राखेर त्यहाँ छलफल गराइनुपथ्र्यो, त्यो बैठक राख्ने अवस्था पनि थिएन भने ती कमिटिका इन्चार्जहरु थिए होलान, तिनलाई बुझ्न र सोध्न लगाइनुपथ्र्यो । नेताहरुलाई लागेको विषयमा स्पष्टिकरण सोध्नुपथ्र्यो । त्यति पनि नभ्याइएको भए आन्तरिक रुपमा सर्कुलर गरेर यिनका बारेमा यस्तो निर्णय भएको छ भनेर पार्टीको आन्तरिक रुपमा गर्नु सायद परिपक्व हुन्थ्यो होला । आजसम्म पढिने र पढाइने लेनिनवादी संगठनात्मक पद्धतिले यही कुरा भन्छ । ती केही पनि नगरेर बाहिर सार्वजनिक रुपमा विज्ञप्ति निकाल्नु पर्ने के कारण आइलाग्यो ? र त्यसले क्रान्ति र आन्दोलनलाई के हित हुन्थ्यो ? यो बाध्यता नेताहरुलाई कसरी आइलाग्यो ? माक्र्सवादी दर्शन र सिद्धान्त तथा द्वन्द्वात्मक भौतिकवादी सिद्धान्तलाई जीवनपद्धति बनाउने नेताहरुले कार्यकर्ताबीचका केही अन्तरविरोध नै भए पनि यसरी हल गर्छ भन्ने विश्वास नै गर्न सकिन्न । अझ त एउटा क्रान्ति गर्ने उद्घोष गरेको क्रान्तिकारी पार्टी र तिनका नेताहरुले यस्तो गरे होलान भनेर सायद कल्पना पनि गर्न सकिने कुरा होइन । हामी हामीले बोकेको राजनीतिक आस्था र विचारमा सधै प्रतिबद्ध छौ । यसले आन्दोलनमा पर्ने असरका बारेमा चिन्तित पनि छौ । तर, हाम्रो नाम नै उल्लेख गरेर केही आरोप लगाउँदै ‘आम जनसमुदाय, पार्टीका सम्पूर्ण निकाय र आमसञ्चारमाध्यमहरुलाई यो कुरा जानकारी गराइन्छ कि’ भन्ने वाक्यबाट सुरु गरिएको विज्ञप्ति नै आइसकेपछि यसबारेमा यो टिप्पणी लेख्न बाध्य भएका हौ । हामी यी विषयमाथि आन्तरिक रुपमै छलफल गर्न चाहन्छौँ । यो हाम्रो कुनै कमजोरी होइन, समयले थोपरेको जिम्मेवारी, राजनैतिक आन्दोलनको आवश्यकताबोध हो । त्यसैले यसका बारेमा छिटोभन्दा छिटो पहल लिन पार्टी नेताहरुलाई अनुरोध गर्दछौँ ।
मितिः ०७५/०५/३०१. प्रभात चलाउने२. जन्मदेव जैसी३. कमल बुढा४. बाबुराम भुषाल५. सुदिप वर्देवा
प्रकाण्डले काभ्रेमा बैठक राखे ?
पाँच पत्रकारले सार्वजनिक गरेको प्रेस नोटमा जेलमा रहेका प्रवक्ता खड्गबहादुर विश्वकर्मा प्रकाण्डलाई काभ्रेमा प्रहरी हिरासतमै पत्रकार संगठनको बैठक राख्न लगाएको आरोप लगाएका छन् । प्रेस नोटमा प्रकाण्डको नाम त उल्लेख छैन । तर नोट पढ्दा सजिलै बुझ्न सकिन्छ कि, सूचना लुकाउने काम गरेको भन्दै उपलब्ध सदस्य बोलाएर हिरासतमै माइन्युट लेखियो । राष्ट्रिय सम्मेलनको निर्णय उल्टाइयो । यसरी बैठक बसाउने काम कसैले गर्ने नै भएन । सीधा कुरा छ, प्रकाण्डले गर्ने भए । उनी प्रवक्ता पनि हुन् । पाँचमध्ये एक पत्रकारले भने, ‘नेताज्यू हिरासतमा हुनुहुन्छ, हामीले केही भन्दा पेल्यो भन्ठान्नुहोला, हाम्रो कुरा सुन्ने धैर्य चैँ नेतृत्वमा नभएकै हो ।’ प्रकाण्डकै निर्देशनमा पाँच पत्रकारविरुद्ध सुदर्शनको विज्ञप्ति आएको अनुमान ।
हल्ला मात्र होः डुम्रे
क्रान्तिकारी पत्रकार संगठनका अध्यक्ष प्रकाश डुम्रेले केही साथीहरु संगठनविरुद्ध लागेको प्रतिक्रिया दिनु भयो । उहाँले काभ्रेमा हिरासतमा पत्रकारको बैठक बसेको कुरा खण्डन गर्नु भयो । कार्यालयका तर्फबाट विज्ञप्ति यस्तो छः
चलाउने कोरिया प्रस्थान
संगठनमा दुई कार्यकाल अध्यक्ष भएका प्रभात चलाउने शनिबार नै दक्षिण कोरिया प्रस्थान गरेका छन् । निर्धारित कार्यक्रम अनुसार, १ हप्ताका लागि चलाउने विदेश गएका हुन् ।
बल विप्लवको कोर्टमा
पार्टी प्रवक्ता प्रकाण्ड र पत्रकारको मोर्चा लामो समयदेखि क्रियाशील पत्रकारहरुको पानी बाराबारको स्थिति देखिएको छ । यसम मध्य ब्युरो इञ्चार्ज हेमन्तप्रकाश ओली पनि मुछिएका छन् । पाँच पदाधिकारीमध्ये दुई पदाधिकारी पनि चलाउनेको पक्षमा रहेको दाबी छ । अब संगठनको विवाद कसरी मिलाउने ? यसको जिम्मा पार्टी महासचिव विप्लवकै हो भन्छन् पत्रकारहरु । प्रकाण्डको आर्काइभ फोटो ।
-1732517550.jpg)
