काठमाडौं । लालटिन नेपालका कलाकारहरुको अभिनय रहेको नाटक बोक्सी उद्योग कुञ्ज थियटरमा असोज ५ गतेबाट प्रदर्शनमा छ । आइतबारबाहेक हप्तामा ६ दिन र शनिबार १ः३० बजे अतिरिक्त शो रहेको नाटक साँझ ५ः३० बजे प्रदर्शन भइरहेको छ । नाटक असोज २० गतेसम्म प्रदर्शन हुने छ ।
रामकुमार एलनको लेखन र प्रभाकर देव शर्माको निर्देशन रहेको नाटकमा केसी राजा, प्रमिसा राई, पदम घिमिरे, दीपिका थापा, टार्जन दाहाल, नमस्ते दिवाकर घिमिरे, विकास शर्मा, प्रलाप राई, किरण रेग्मी, ऋषिकेश बस्याल, बालानन्द मैनाली, नितु पौडेल, अल्बिना न्यौपाने, रोयल रायलगायतको अभिनय छ ।
नाटकमा यौन उत्पीडन गर्न नपाएका सामन्तहरुले चलाएको बोक्सी उद्योगबारे बताइएको छ । एउटा दृश्यमा सम्वाद छः ‘मैले भनेको मान्यौ भने छोराछोरीको नागरिकता बनाइदिन्छु । अनि बेलबखत लोग्नेले दिने माया पनि दिन्छु ।’
तस्बिरहरुः राधिका श्रेष्ठ/जनता समाचार डटकम
-1732517550.jpg)
